मुक्तकहरु

सागर खनाल

तिम्रै लागि एकअर्कामा खिचातानी हुनसक्छ

यसमा धेरै दोषी तिम्रो जवानी हुन सक्छ ।

आफ्नो कुरा आफैँसँग राख्यौ भने मात्र

नत्र धेरै नराम्रो कुराकानी हुनसक्छ ।।

गाढा माया मधुरो बनाउँछ दुनिया

विचरो भन्दै बबुरो बनाउँछ दुनिया ।

मेरी आमा मरेकै निहुँमा

मलाई किन टुहुरो बनाउँछ दुनिया ।।

नभएको प्रमाण अनि तथ्य बनाउँछ

तथ्यविनाको कुरालाई सत्य बनाउँछ ।।

यो कानुन निष्ठुर भएर त होला

दृश्यपात्रलाई पनि नेपथ्य बनाउँछ ।।

कोपवा–५, कपिलवस्तु